GALIZA
MÓVESE EN DEFENSA DO ENSINO PÚBLICO!!
O
pasado curso 2012-2013 foron gravísimas as agresións contra o
ensino público, empeorando considerablemente as nosas condicións
laborais e profesionais e pondo en perigo o mantenemento dun ensino
público de calidade, garantía da igualdade de oportunidades no noso
país. Perante esta situación foron moitos os centros e as comarcas
que comezaron a mobilizarse, visibilizando a nosa indignación e o
noso malestar: pancartas nos centros, manifestacións, Venres Negros,
coordinadoras, etc. Un exemplo do que se estivo a facer podedes
atopalo no blog: mareaverdedoensino.blogspot.com.es
Estas
actuacións xurdiron da manera espontánea nos claustros de
profesores, e, a pesar do limitado da súa repercusión, por actuaren
a nivel local, valorámolas moi positivamente xa que permitiron a
concienciación e a mobilización de sectores que nos últimos tempos
se atopaban desmobilizados. Supuxeron un exercicio de democracia
participativa e asemblearia nun momento de claro retroceso
democrático no noso país. Porén, de non sernos quen de superar o
ámbito local, este movemento rematará por esgotarse.
É
por isto, e porque o deterioro do ensino e o trato indigno ao que
estamos sometidos @s traballador@s segue a agudizarse, polo que
cómpre coordinarmos os nosos esforzos, intercambiando experiencias e
decidindo o camino a seguir neste novo curso. Pretendemos impulsar a
incorporación a este movemento reivindicativo de máis comarcas,
centros e profesor@s, que participan da nosa sensibilidade, pero que
se sinten illados e impotentes.
Para
aumentar a nosa forza e termos maior capacidade de resposta é polo
que vos convocamos ao I ENCONTRO DO
ENSINO PÚBLICO GALEGO, que se
celebrará os días 25, 26 e 27 de outubro no Val Miñor (Nigrán,
Baiona, Gondomar) baixo o lema EN
DEFENSA PROPIA.
Nestes
momentos estamos traballando para concretar o programa a desenvolver
que, entre as súas liñas principais, incluirá espazos de debate e
intercambio de experiencias nas diferentes comarcas, a presenza de
ponentes de prestixio de Galicia e Portugal expertos nos temas de
movementos sociais e educación e unha asamblea xeral onde
decidiremos as liñas de actuación no futuro inmediato. Temos
previsto adicar tamén un tempo á festa e á celebración.
Nigrán,
8 de setembro de 2013
No hay comentarios :
Publicar un comentario