Acta da reunión 8/10/2014 no IES Val Miñor

ACTA DA COORDINADORA DE CENTROS DE ENSINO DO VAL MIÑOR

DATA:Mércores, 8 de outubro de 2014 LUGAR: IES VAL MIÑOR

ASISTENTES:

CPI PANXÓN, CEIP FONTES- BAÍÑA, CEIP HUMBERTO JUANES, IES AUGA DA LAXE, IES 1º MARZO DE BAIONA, IES ESCOLAS PROVAL e IES VAL MIÑOR.

ORDE DO DÍA:

1.- Lectura da acta da sesión anterior

2.- Datos dos centros para actualizar o Observatorio

3.- Carta de compromiso democrático

4. Próxima convocatoria de folga

1.- Lectura da acta da sesión anterior.

Apróbase por unanimidade a acta

2.- Completar os datos do Observatorio

Os compañeiros comentan o empeoramento das condicións de traballo no presente curso: en varios centros aumentou o número de alumnos e baixou o de profesores (en Sabarís, Belesar e Baiona, polo menos) ,no IES Val Miñor desapareceu a atención á diversidade e aumentaron os profesores que imparten materias afíns.

Coa entrada en vigor da LOMCE púxose en marcha a FP básica en Baiona e Proval. A estas alturas, unha vez xa comezado o curso, a Inspección organizou unhas xornadas para elaborar programacións e material para esta modalidade de ensino. Diríase que hai algo de improvisación, que non beneficia en nada a calidade do ensino.

Acórdase completar cos datos do presente curso o Observatorio dos centros do Val para ter unha perspectiva de conxunto.

3. Carta de compromiso democrático
Acórdase avanzar na difusión deste documento.
4. Folga prevista para o mes de outubro

Polos comentarios parece que maioritariamente o profesorado non vai secundar a folga, pero todos estamos de acordo en visibilizar o noso malestar dándolle difusión aos datos do Observatorio onde se recollen os recortes que sufriu cada centro, levar posta ese día a camiseta verde en defensa da escola pública, facer fotos coa camiseta posta e coa pancarta “OUTRA EDUCACIÓN É POSIBLE” e calquera outra medida que cada centro poida idear para deixar patente o día 23 que as condicións dos centros empeoraron sensiblemente e que todos saímos prexudicados.

Lurdes Arias insiste na conveniencia de comunicar a toda a prensa as medidas de protesta que adoptemos.

Levántase a sesión ás 19 horas.

5. A vindeira xuntanza da coordinadora será o 29 de outubro no CEIP Humberto Juanes de Nigrán ás 17 horas.
Orde do día:

1. Lectura da acta da sesión anterior
2. Discusión do documento “A educación infantil que queremos”
3. Valoración da folga / xornada do 23 de outubro
4. Informe sobre a elección de equipos directivos
5. Rogos e preguntas.

Remata a xuntanza ás 19 h.

Porque rimos vestidas de negro

PORQUE RIMOS VESTIDAS DE NEGRO

Monte Centelles Farrá

Contra o desmantelamento do ensino público saímos ó patio, como escapadas, correndo, a facer a foto cas camisolas negras dos recortes.

Cada venres hai algún alumno ou alumna máis. Algúns preguntan despois “de qué rimos”.

Cheira un tanto incongruente que saiamos na foto con esa enerxía empática que transmite o riso, o sorriso, a man sobre o ombreiro da compañeira.

Sorrimos para saír ben na foto, coma sempre, e así, sen pensalo, sumarnos ós compañeiros e compañeiras da Marea Negra, e sentir que estamos con eles e cos das outras mareas contra a desfeita, tecendo redes, e por iso rimos.

Os feitos e as ameazas son graves e tristes, pero romper a inercia da impotencia fainos sorrir xuntas nunha foto.

A foto local, feita por alguhna estudante que pregunta que estamos a facer, vina pegada no mural dun cole doutra parroquia , con moitas outras. Gustoume participar, formar parte.

Timidamente arrancou a web onde, seriamente, se explican reivindicacións e estratexias.

A Coordinadora do Ensino do Val Miñor xunta proxectos para facer xunt@s. Queremos espallar o que sucede e facelo visible e combatelo.

“A Maré” estaba na ponte da Ramallosa, e ha chegar á praia, coma chega a auga.

O 15 de Xuño ás 5 da tarde en Praia América, coa mensaxe de ilusión por manter e mellorar o ensino público contra o tsunami da crise e das renuncias, desbotando a irónica pregunta… Por que están a rir?

Peche no IES Val Miñor

Peche no IES Val Miñor do 25 de abril.
Aquí estamos uns cantos... medrando e preparadno a cea e por agora somos o 25 % do centro. Non est´ña mal, non si?

A primeira foto foi a do Entroido e a segunda é a de hoxe 1 de Marzo. Faltan algúns fantasmas que non son visibles.

Imaxes das concentracións relativas aos dous últimos venres de febreiro 2013. A odisea vai despacio !